කොල්ලා vs මොළේ තියෙන කොල්ලා

කොල්ලෙක් කියන්නේ, "කමක් නැහැ මම ම ඒක තනියම කරගන්නම්", කියලා කෙල්ලෙක් කිව්ව ම එයා ට කරගන්න ඉඩ දීල පැත්තකට වෙන කෙනෙක්.

කෙල්ලෙක් කියන්නේ, කොල්ලෙක් ට "කමක් නැහැ මම ම ඒක තනියම කරගන්නම්", කියලා එයා කිව්ව ම එයා ට කරගන්න ඉඩ දීල කොල්ලා පැත්තකට වුනා ම - ඒක ට මල පනින කෙනෙක්.

කොල්ලෙක් කියන්නේ, "කමක් නැහැ මම ම ඒක තනියම කරගන්නම්", කියලා කෙල්ලෙක් කිව්ව ම එයා ට කරගන්න ඉඩ දීල පැත්තකට වුනා ම - ඒක ට කෙල්ල ට මල පැන්න ම, "ඇයි දැන් ඔයා මේ තරහා වෙලා ඉන්නේ?" කියලා අහන කෙනෙක්.

කෙල්ලෙක් කියන්නේ, "කමක් නැහැ මම ම ඒක තනියම කරගන්නම්", කියලා කෙල්ලෙක් කිව්ව ම එයා ට කරගන්න ඉඩ දීල කොල්ලා පැත්තකට වුනා ම - ඒක ට එයා ට මල පැන්න ම, "ඇයි දැන් ඔයා මේ තරහා වෙලා ඉන්නේ?" කියලා කොල්ලා ඇහුවා ම - "ඔයාට මාව තේරුම් ගන්න බැරිනම් මම ඒක ඔයාට කියලා වැඩක් නැහැ!" කියලා කියන කෙනෙක්.

කොල්ලෙක් කියන්නේ මේ සංවාදේ දිගින් දිගට ම අරන් ගිහින් අන්තිම ට පරාද වෙන කෙනෙක්.

මොළේ තියෙන කොල්ලෙක් කියන්නේ... "අනේ සොරි. කෝ දෙන්න මම ඔයාට ඕක කරලා දෙන්නම්." කියලා මේ සංවාදේ ඔතනින් නවත්ත ගන්න කෙනෙක්.

අත්දැකීම් මත පදනම් වෙච්ච එකක් ලු. සංවාදය ට විවෘත යි ඈ...